У. Ҳунбо иқдоми Тоҷикистонро дар масъалаи об бамаврид арзёбӣ намуд
Душанбе, 25 сентябр. (АМИТ «Ховар», Мавҷуда Анварӣ). — Дирӯз дар ҳошияи мубоҳисаҳои умумии 67-умин иҷлосияи Маҷмаи Умумии СММ роҳбари ҳайати Ҷумҳурии Тоҷикистон, вазири корҳои хориҷии кишвар Ҳамрохон Зарифӣ бо муовини Дабири кулли СММ оид ба масъалаҳои иқтисодӣ ва иҷтимоӣ У Ҳунбо мулоқот намуд. Дар ҷараёни мулоқот масъалаҳои ҳамкории Тоҷикистон бо Департаменти иқтисодӣ ва иҷтимоии СММ ва дурнамои густариши ҳамкорӣ дар ояндаи наздик муҳокима шуданд. Мусоҳибон аз сатҳи ҳамкории судманд дар пеш бурдани «Рӯзномаи об»-и СММ изҳори қаноатмандӣ намуда, дар мавриди татбиқи «Соли байналмилалии ҳамкорӣ дар соҳаи об» мубодилаи афкор анҷом доданд. Бояд ёдовар шуд, ки бино ба қатъномаи дахлдори Маҷмаи Умумии СММ, ки муаллифаш Тоҷикистон мебошад, соли 2013 «Соли байналмилалии ҳамкорӣ дар соҳаи об» эълон шудааст. Муовини Дабири кулли СММ иқдоми Тоҷикистонро дар масъалаҳои об бамаврид ва мусбат арзёбӣ намуда, омодагии худро барои мусоидат ва пуштибонӣ дар татбиқи «Соли байналмилалии ҳамкорӣ дар соҳаи об» изҳор кард. Дар ин бора аз Вазорати корҳои хориҷии кишвар ба АМИТ «Ховар» иттилоъ доданд.
Имрӯз дар Тоҷикистон ҳаво то 40 дараҷа гарм мешавад
Имрӯз дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
