Ҷаласаи роҳсозону нақлиётчиёни ИДМ

Душанбе, 11 октябр. (АМИТ «Ховар», Мавҷуда Анварӣ). — 16-уми октябр дар шаҳри Маскав Анҷумани III-юми роҳсозони Иттиҳоди Давлатҳои Мустақил баргузор мегардад. Дар ин бора аз Вазорати нақлиёти Тоҷикистон ба АМИТ «Ховар» хабар доданд. Тибқи иттилои манбаъ, дар Анҷумани роҳсозон роҳбарони кумитаҳои иҷроияи кишварҳои узви ИДМ ширкат карда, масоили марбут ба ҳамоҳангсозии кори нақлиёт ва роҳҳои ИДМ-ро баррасӣ мекунанд. Ҳамчунин дар нишаст намояндагони ҳукумати иҷроия ва қонунбарори Федератсияи Русия ва ҳукуматҳои кишварҳои ИДМ, як қатор вазорату ташкилотҳо, мутахассисони варзидаи соҳаи роҳсозӣ ва кумитаҳои иттифоқҳои касаба иштирок менамоянд.