Ҷавонон ба хизмати Ватан мераванд

Хоруғ, 29 октябр. (АМИТ «Ховар», Л.Додо ). – Рӯзи 24 – уми моҳи октябр шаҳри Хоруғ ва ноҳияи Шуғнон аз иҷрои нақшаи даъвати тирамоҳии наваскарон хабар доданд. Ду ҳафта қабл навоҳии Мурғобу Роштқалъа ва шаҳри Хоруғ дар вилоят нахустин шуда, нақшаи даъватро иҷро намуданд. Ҳоло навоҳии Ванҷу Дарвоз, Рӯшон ва Ишкошим низ дар арафаи иҷрои нақшаанд. Тавре ки комиссари ҳарбии вилоят Зафар Давлатов иттилоъ дод, имсол дар кори даъват ягон мушкилӣ нест, зеро аксари ҷавонон ихтиёран ба комиссариатҳои ҳарбии шаҳру навоҳӣ меоянду хоҳиш менамоянд, то ки онҳоро ба хизмат баранд. Ба гуфти комиссари ҳарбӣ рӯзҳои 5- 6- уми моҳи ноябр нақшаи даъвати тирамоҳӣ пурра иҷро мегардад. То ҳоло 83 дарсади нақша иҷро шудааст.