Хоҷагиҳои фиребгар

Фархор, 1 октябр. ( АМИТ «Ховар», С. Холов).-Бино ба иттилои директори тиҷоратии ҶДММ «Зиёратшоҳ»-и ноҳияи Фархор Тоҳир Каримов зиёда аз 300 хоҷагии деҳқонии хурд аз соли гузашта то ин ҷониб ба корхона шартнома дошта, мутаассифона, мувофиқи шартнома амал накарданд. Хоҷагиҳои бо корхона шартнома дошта дар ҳолати ба сӯзишворӣ, хизматрасонии техникӣ, дорухои минералӣ ва дигар маводи лозимӣ зарурат доштан аз корхона 250 000 доллари ИМА мувофиқи шартнома маблағ гирифта, аммо дар давраи ҷамъоварии ҳосил ашёи хоми худро ба хотири тағйири нарх ба дигар корхонаҳо мефурӯшанд. Барои риоя накардани шартномаи тарафайн масъулини корхона тасмим гирифтаанд, то чунин хоҷагиҳои фиребгареро, ки аз корхона қарздор мебошанд ва то охири мавсим маблағҳои қарзиро ворид намесозанд, ба суди иқтисодӣ диҳанд.