Иди китоби кӯдакон дар Бадахшон

Душанбе, 15 октябр. (АМИТ «Ховар», Дилшодаи Хайруллоҳ)- Ҳафтаи гузашта дар шаҳру навоҳии Вилояти Мухтори Куҳистони Бадахшон бо иштироки хонандагони мактабҳои миёнаву олии вилоят Иди китоб барои бачагон баргузор шуд.Иди мазкур дар чаҳорчӯби ҷашни 60-солагии маҷаллаи кӯдакон ва ҷавонони кишвар – «Истиқбол» (то соли 1994 «Машъал») тибқи нақшаи Вазорати фарҳанги мамлакат доир гашт. Тайи як ҳафта адибону муаллифони маҷаллаи мазкур Ато Мирхоҷа, Ворис, Султони Ҳамад, Мавҷудаи Соҳибназар ва Бузургмеҳри Баҳодур таҳти роҳбарии Латофат Кенҷаева – сармуҳаррири маҷаллаи «Истиқбол» дар мактабҳои ноҳияҳои Дарвоз, Ванҷ, Рӯшон, Шуғнон ва шаҳри Хоруғ бо хонандагон вохӯриҳо гузаронида, ба онҳо 1300 нусха китоби тозанашри бачагонаро ба маблағи 15 ҳазор сомонӣ ройгон тақсим намуданд.