«Ишқи Парӣ»- соҳиби ҷоизаи мусиқии олӣ
Душанбе, 30 октябр. (АМИТ «Ховар», Фирӯза Давлатова). — Ҷашнвораи 4-уми байналмилалии театрҳои кишварҳои Осиёи Марказӣ, ки дар шаҳри Алмаато доир гардид, ба анҷом расид.Тавре ки аз Вазорати фарҳанги ҷумҳурӣ иттилоъ доданд, дар ҷашнвора Тоҷикистонро ҳунармандони театри ба номи Меҳрубон Назарови Вилояти Мухтори Куҳистони Бадахшон муаррифӣ карданд.Ҳунармандони тоҷик бо намоишномаи «Ишқи Парӣ» соҳиби ҷоизаи мусиқии олӣ гардиданд. Тавре ки манбаъ зикр кард, ин намоишнома бо ороиши саҳна ва мусиқии олӣ аз дигар намоишномаҳо фарқ мекард.Коргардон ва ба саҳнагузорандаи намоишнома Хусрави Умед мебошад. Ҳарчанд мавзӯи он ба ишқ бахшида шудааст, вале ин ишқу ошиқии оддӣ нест, балки пайванд бо нерӯҳои осмонӣ дорад ва мазмуни он аз асотири ориёӣ сарчашма мегирад. Мавриди зикр аст, ки ин ҷашнвора бо ширкати беҳтарин театрҳои кишварҳои Қазоқистон, Қирғизистон ва Тоҷикистону Ӯзбакистон як ҳафта идома ёфт. Ҷашнвора дар Театри ба номи Мухтор Авазови шаҳри Алмаато баргузор гардид.
28 июл дар Кумитаи давлатии сармоягузорӣ ва идораи амволи давлатӣ ва Донишгоҳи технологӣ нишасти матбуотӣ баргузор мегардад
Имрӯз дар Тоҷикистон ҳаво то 40 дараҷа гарм мешавад
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
