Муносибати нав ба рушди савдои ҷаҳон

Душанбе, 11 октябр. (АМИТ «Ховар», Людмила Дубинина). – Аз 15 то 16 октябр дар вилояти Суғд Конфронси байналмилалӣ бахшида ба масоили ҳамгироии кишварҳои Осиёи Марказӣ ба савдои ҷаҳон баргузор мегардад. Ин чорабиниро Созмони байналмилалии Австрия бо иштироки Ҷамъияти ҳамкории байналмилалии Олмон ва маъмурияти Минтақаи озоди иқтисодии «Суғд» роҳандозӣ менамоянд.Мақсад аз доир намудани конфронс муҳокимаи масоили тақвият бахшидани механизми ҳамкории иқтисодӣ дар Осиёи Марказӣ мебошад.Дар конфронс кормандони сохторҳои дахлдори давлатӣ, намояндагони бахши инфиродӣ, созмонҳои ҷаҳон ва кишвар иштирок мекунанд.Дар ин бора аз Минтақаи озоди иқтисодии «Суғд» ба АМИТ «Ховар» хабар доданд.