Натиҷаи корҳои илмию таблиғотӣ қаноатбахш аст

Душанбе, 9 октябр. (АМИТ «Ховар», Фирӯза Давлатова). – Тавре ки иттилоъ доданд, Раёсати Академияи илмҳои кишоварзӣ дар нӯҳ моҳи соли 2012 зиёда аз 242 номгӯй кори илмӣ, аз ҷумла 8 китоб ва 16 тавсияномаро аз чоп баровард.Дар аспирантураи Академияи илмҳои кишоварзии Тоҷикистон (АИКТ) ҳоло 84 нафар аспирант таҳсили илм доранд. Ҳамкории муассисаҳои илмии академия бо Маркази илмии байналмилалии Биоверсити, СИДА, ФАО, Бонки рушди Осиё, Бонки ҷаҳонӣ, ИИТ «Назиллӣ»-и Туркия, Академияи илмҳои кишоварзии Синсизяни Ҷумҳурии Чин ва муассисаҳои илмии соҳавиии Иттиҳоди Давлатҳои Мустақил идома дорад.Мувофиқи барномаи рушди инноватсионии Тоҷикистон барои солҳои 2011-2020, ки бо қарори Ҳукумати Ҷумҳурии Тоҷикистон аз 30.04.2011 тасдиқ гардидааст, муассисаҳои илмии Академия 8 лоиҳаи муҳими инноватсиониро иҷро карда истодаанд.Дар ин бора ба мухбири АМИТ «Ховар» аз Раёсати Академияи илмҳои кишоварзӣ иттилоъ доданд.