Оғози навсозии шоҳроҳи Айнӣ — Панҷакент — идомаи сиёсати бунёдкорона

Панҷакент, 27 октябр. (АМИТ «Ховар», Афшини Муқим, Дилшодаи Хайруллоҳ) — Президенти Ҷумҳурии Тоҷикистон Эмомалӣ Раҳмон дар доираи сафари кори худ ба вилояти Суғд ба таъмир ва навсозии роҳи мошингарди Айнӣ — Панҷакент оғози расмӣ бахшид. Зикр гардид, ки масофаи ин шоҳроҳ 114 километрро буда, якҷоя бо роҳҳои маҳаллӣ ва таъмирталаби ноҳияи Айниву шаҳри Панҷакент 170 километрро ташкил медиҳад.  Гуфта шуд, барои татбиқи ин лоиҳа қариб 140 миллион доллари амрикоӣ ҷудо гардидааст, ки 100 миллион доллари онро Бонки Осиёии Рушд сармоягузорӣ мекунад. Бо татбиқи ин лоиҳа беш аз 500 сокини маҳаллӣ метавонанд то анҷоми корҳои сохтмонии ин шоҳроҳ, ки дар назар аст 2-3 сол тӯл кашад, бо ҷои кору маоши баланд таъмин гарданд. Сарвари давлат Эмомалӣ Раҳмон ба Вазорати нақлиёт ва коммуникатсия ва дигар сохторҳои дахлдор дастур дод, то ҷиҳати саривақт ва бо сифати баланд ба истифода додани ин шоҳроҳ мунтазам назорати ҷиддӣ баранд.  Маврид ба зикр аст, ки татбиқи лоиҳаи навсозии роҳи мошингарди Айнӣ — Панҷакент боз як қадами ҷиддие дар самти баромадан аз бунбасти коммуникатсионӣ хоҳад буд.