Забони тоҷикӣ — забони илмӣ дар соҳаи геология

Душанбе, 4 октябр. (АМИТ «Ховар», Ибодат Давлатова).- 3 октябр дар Саридораи геологияи назди Ҳукумати Ҷумҳурии Тоҷикистон маҷлиси тантанавӣ бахшида ба Рӯзи забони давлатӣ баргузор гардид. Тавре ки ба АМИТ «Ховар» аз маркази матбуоти Саридораи геология хабар доданд, дар маҷлиси тантанавӣ беш аз 60 нафар корманди соҳаи заминшиносӣ иштирок доштанд.Дар он сардори Саридораи геология Азим Иброҳим дар бораи истифодаи забони тоҷикӣ ҳамчун забони илмӣ дар соҳаи геология, баланд бардоштани сатҳи забондонии кормандон ва риояи меъёри забони адабии тоҷикӣ сухан гуфт.