Бокс дар «Ҷавонон»

Душанбе, 20 ноябр. (АМИТ «Ховар», Дилшодаи Хайруллоҳ).-Аз 21 то 25 ноябри соли равон ба хотираи Устоди варзиши собиқ Иттиҳоди Шӯравӣ Маъруф Ҳусайнов ва Рӯзи Парчам дар маркази «Ҷавонон»-и шаҳри Хуҷанди вилояти Суғд мусобиқаи кушоди ҷумҳуриявии бокс гузаронида мешавад.  Чорабинӣ миёни варзишгарони солҳои таваллуди 1997-1998 сурат мегирад ва варзишгарон дар вазнҳои 34, 36, 37, 39, 41, 43, 45, 49, 52, 55, 58, 64 ва 68кг қувваозмоӣ хоҳанд кард. Ҳамчунин тибқи иттилои бахши иттилоотии Кумитаи ҷавонон, варзиш ва сайёхӣ варзишгарони навраси узви дастаи мунтахаби бахши бокси кишвар аз 20 ноябр то 4 декабри соли равон ба ҷамъомади машқиву варзишӣ дар шаҳри Кӯлоб фаро гирифта мешаванд.