Боздошти корманди мақомоти ҳифзи ҳуқуқ бо гумони нашъаҷаллобӣ
Душанбе, 13 ноябр. (АМИТ «Ховар», Бекназари Абӯбакр). — Кормандони Кумитаи давлатии амнияти миллии Ҷумҳурии Тоҷикистон ҳангоми гузаронидани амалиёти махсус дар ҳудуди сарҳади Қумсангири вилояти Хатлон бо Ҷумҳурии Исломии Афғонистон бо гумони даст доштан ба қочоқи маводи мухаддир шаҳрванди ҶИА Абдусалим валади Абдуқаюм ва як нафар корманди мақомоти ҳифзи ҳуқуқро боздошт намуданд. Аз маркази робитаҳои ҷамъиятии КДАМ ҶТ ба АМИТ «Ховар» хабар доданд, ки ҳангоми боздошт аз гумонбар 5 кг героин ва 4 кг ҳашиш бозёфт ва мусодира гардид. Инчунин ҳангоми тафтиши ҳуҷраи корманди боздоштшудаи мақомоти ҳифзи ҳуқуқ дар шаҳри Душанбе боз 5 кг дигар ҳероин дарёфт ва мусодира шуд. Ба иттилои манбаъ, ҳамчунин ҳангоми гузаронидани як амалиёти дигар дар ҳудуди «Фурудгоҳи байналмилалии Душанбе» сокини 35-солаи пойтахт Муҳаммад Маҳмадаминов бо гумони қочоқи маводи мухаддир боздошт шуда, ҳангоми азнаргузаронӣ аз номбурда қариб 1 кг ҳероин, ки мехост онро ба Русия интиқол диҳад, дарёфт ва мусодира гардид.
Имрӯз дар шаҳри Душанбе ҳаво то 39 дараҷа гарм мешавад
27 июл дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
