Дасти сахо ҳамеша болост

Шаҳринав, 20 ноябр. (АМИТ «Ховар», Ҳотам Рабиев).-Имсол ҳам соҳибкори олиҳиммат Ҷӯрабек Сафаров як гуруҳ хонандагони мактабҳои таҳсилоти миёнаи умумии рақами 1,3,45, хона-интернат, дар маҷмӯъ зиёда аз ҳазор нафар кӯдакону наврасонро бо либосҳои гарми зимистона таъмин намуд. Соҳибкор Ҷ.Сафаров дар сохтмони бинои мактаби таҳсилоти миёнаи рақами 45 саҳми арзанда низ дошт. Ӯ дар таъмини омӯзгорони мактаби мазкур бо маводи хӯрокӣ низ ҳиссагузор аст. Боиси тазаккур аст, ки ба наздикӣ дар маркази шаҳраки Шаҳринав Қасри варзишӣ бо тамоми таҷҳизоти зарурӣ ба истифода дода мешавад, ки дар он ҳиссаи Ҷӯрабек Сафаров низ ҳаст.