Дастрасии муҳоҷирон аз «Муҳовараномаи тоҷикию русӣ»

Душанбе, 14 ноябр. (АМИТ «Ховар», Лутфия Эшонқулова). – Роҳбари намояндагии Хадамоти муҳоҷирати назди Ҳукумати ҶТ дар ФР Асрор Одинаев дар маросими муаррифии «Муҳовараномаи тоҷикию русӣ», ки 13 ноябр баргузор гардид, зикр намуд, ки ин мавод муоширати муҳоҷирони меҳнатӣ дар Русияро осон гардонида, имкон медиҳад, ки онҳо ба муҳити нави иҷтимоию фарҳангӣ зудтару беҳтар одат кунанд. «Муҳовараномаи тоҷикию русӣ» бо адади як ҳазору 500 нусха дарҷ гардида, онро намояндагии Муҳоҷирати ҶТ дар ФР байни муҳоҷирон ба таври ройгон паҳн мекунад.Дар ин бора аз дафтари матбуоти Хадамоти муҳоҷирати ҶТ дар ФР ба АМИТ «Ховар» хабар доданд.