Иҷлосияи тақдирсоз

Бадахшон, 17 ноябр. (АМИТ «Ховар», Л. Додо).- Дар ноҳияи Ванҷ бахшида ба 20-умин солгарди Иҷлосияи 16- уми Шӯрои Олии Ҷумҳурии Тоҷикистон маҷлиси тантанавӣ баргузор гардид. Раиси ноҳия Амрихудо Дамдоров зимни маърӯзаи худ гуфт, ки тамоми пешравиҳои ҷумҳурӣ маҳз баъди ин Иҷлосия оғоз ёфтанд. Дар ин давра дар ноҳия бинои нави барҳавои 18 мактаб , 15 муассисаҳои тиббӣ , Хонаи фарҳанги деҳаи Харв, корхонаҳои хишт, 2 бонк , сехи истеҳсоли равғани ангат , бинои Телеком, суғурта, тарабхонаҳо, марказҳои савдо , нерӯгоҳҳои барқии «Андарбак», «Техрав» бунёд гардиданд. Бунёди неругоҳи барқии Мотравну Паз анҷом дода шуда, сохтмони нерӯгоҳҳои « Ванҷ-2» ва «Техарв» идома дорад.