Кӯлоб 20- солагии Иҷлосияи 16-Шӯрои Олиро истиқбол гирифт
Душанбе, 14 ноябр. (АМИТ «Ховар», Фарзона Достонзода). –Дар саҳни Кохи фарҳанг ва ҳунари шаҳри Кӯлоб ба истиқболи Иҷлосияи 16-уми Шӯрои Олии Тоҷикистон намоиши ҳунарҳои мардумӣ ва дастовардҳои корхонаҳои мухталиф баргузор гардид. Шаҳрдори Кӯлоб Абдулғаффор Раҳмонов гуфт: «Иҷлосияи 16-уми Шӯрои Олии Тоҷикистон дар ҳаёти минбаъдаи мардуми кишвар дигаргуниҳои куллӣ ба бор овард. Маҳз дар ҳамин ҷо бо талошҳои ватандӯстонаи Раиси Шӯрои Олӣ муҳтарам Эмомалӣ Раҳмон заминаи сулҳи деринтизор барои миллат гузошта шуда ,дар дили мардум шуълаи умеду боварӣ ба фардои дурахшон пайдо шуд.Аз ин рӯ, мо бояд ба қадри ин суботи комил ва пешрафту шукуфои дар Ватани азизамон бирасем ва барои рушди Тоҷикистон саҳми худро гузорем».Дар чаҳорчуби истиқбол аз ин санаи фархунда маъракаву чорабинӣ ,конфронсҳои илмиву амалӣ ,суҳбату вохуриҳо бо вакилони вақти иҷлосия, ҳамчунин як қатор озмунҳо дар макотиби оливу миёна ,кӯчаву маҳаллаҳо баргузор шуданд. Ба ғолибони озмуни «Маҳаллаи беҳтарин» туҳфаҳои мақомоти иҷроияи ҳокимияти давлатии шаҳри Кӯлоб тақдим гардиданд. Тантанаи идона ба истиқболи Иҷлосияи 16-уми Шӯрои Олии Тоҷикистон дар шаҳри Кӯлоб бо баргузории тӯйи хонадоршавии 4 ҷуфти навҷавон ва хатнасури 20 кӯдак аз оилаҳои камбизоат фарҷом ёфт, гуфт сухангӯи раиси шаҳри Кӯлоб Суҳробшоҳи Фаррухшоҳ.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






