Мулоқоти Т.Салимов бо Д.Ҳертрампф

Душанбе, 21 ноябр. (АМИТ «Ховар», Назир Назиров ). — 19 ноябр дар шаҳри Душанбе мулоқоти раиси Кумитаи ҳифзи муҳити зисти назди Ҳукумати Ҷумҳурии Тоҷикистон Т.Салимов бо Сафири Олмон дар Тоҷикистон Дорис Ҳертрампф баргузор гардид. Дар ҷараёни мулоқот масоили қабули барномаи кории шартҳои созишномаи бахши иқлим то соли 2015, тарҳрезии ибтикороти мушаххас ҷиҳати коҳиш додани партовҳои гази гармхонаҳо аз давраи ҳозира то соли 2020 мавриди муҳокима қарор гирифта, ҳамчунин мавқеъҳои Олмону Тоҷикистон дар гуфтушунид оид ба вазъияти иқлим, ки аз 26 ноябр то 7 декабр дар шаҳри Дохаи Давлати Қатар баргузор мегардад, муайян карда шуданд.Дар ин бора аз Кумитаи ҳифзи муҳити зисти назди Ҳукумати ҶТ ба Амит «Ховар» хабар доданд.