Мутахассисони амрикоӣ дар Тоҷикистон

Душанбе, 2 ноябр. (АМИТ «Ховар», Фирӯза Давлатова). – Дар Саридораи геологияи назди Ҳукумати Ҷумҳурии Тоҷикистон бо намояндагони Хадамоти геологии ИМА: Марк Михаласки, мутахассис захираҳои минералӣ, Роберт Такер, коршиноси геохимияи изотонҳо, Карин Рено-мутахассиси омӯзиши дистансионӣ вохӯрӣ баргузор гардид. Дар вохӯрӣ Б.Тибсон, мушовир оид ба масъалаҳои иқтисодии Сафорати ИМА дар Душанбе иштирок дошт.Дар вохӯрӣ ҷонибҳо масъалаҳои ҳамкории дутарафаро дар соҳаи омӯзиши унсурҳои камзамин ва ташкили базаи маълумоти ягонаро доир ба ин унсурҳо муҳокима намуданд.Тавре ки Марк Михаласки қайд намуд, лоиҳа аз ду марҳила иборат хоҳад буд. Дар марҳилаи аввал, ки барои 1 сол пешбинӣ шудааст, омӯзишу баҳодиҳии конҳои мавҷуда гузаронида мешавад.Лоиҳа ҳамчунин баландбардории савияи тахассусии мутахассиссони маҳаллиро дар соҳаи омӯзиши унсурҳои камзамин пешбинӣ менамояд.Дар ин бора ба мухбири АМИТ «Ховар» ах хадамоти матбуоти Саридораи геология иттилоъ доданд.