Пешбинии табодули мол дар соли 2013

Душанбе, 14 ноябр. (АМИТ «Ховар», Лаззат Диловарзод).- Бино ба иттилои маркази робитаи байналмилалии сафорати Ҷумҳурии Озарбойҷон дар Ҷумҳурии Тоҷикистон, соли 2013 табодули мол бо назардошти ҷалби сармояи Озарбойҷон ба иқтисоди Тоҷикистон беш аз 2,5 маротиба афзоиш ёфта, ба 50 млн. доллар баробар мегардад.Сармоягузорони Озарбойҷон ва ширкатҳои хусусии он баъди ошноӣ бо вазъи сиёсии Тоҷикистон омодаанд ба иқтисоди ин кишвар сармоягузориро ду баробар зиёд намоянд.Ба иттилои манбаъ, Ҷумҳурии Озарбойҷон ҷиҳати омода намудани мутахассисони соҳаи геология, иктишоф ва истихроҷи нафту газ таваҷҷуҳи зиёд зоҳир менамояд.Дар солҳои 2007-2008 миёни ҷумҳуриҳои Тоҷикистон ва Озарбойҷон 20 санади ҳамкорӣ ба имзо расид. Тибқи санадҳои ба имзорасида дар давоми моҳҳои январ-сентябри соли 2012 табодули маҳсулот ба 22 млн. доллари амрикоӣ расонида шуд.Дар назар аст, ки то охири соли ҷорӣ табодули мол миёни ин ду ҷумҳурии бародар ба 30 млн. доллари амрикоӣ расад.