Шумораи донишҷӯёни афғон дар Тоҷикистон меафзояд

Душанбе, 30 ноябр. (АМИТ «Ховар», Фирӯза Давлатова).- Дабири кулли СММ “Дар бораи вазъи Афғонистон ва оқибатҳои он барои сулҳу субот дар ҷаҳон” ибрози назар кардааст. Тоҷикистон барои сулҳу субот ва пешравӣ дар ин минтақа теъдоди донишҷӯёни афғонро сол то сол зиёд намудааст. Дар ин бора аз Вазорати маориф иттилоъ доданд, ки Тоҷикистон тасмим дорад, теъдоди донишҷӯёни афғонро, ки ба омӯзиш машғуланд, ду баробар афзоиш диҳад. Ҳамчунин манбаъ афзуд, ки дар муассисоти таҳсилоти олии кишвар беш аз 500 нафар донишҷӯи афғон омӯзиш мегиранд ва тасмим доранд, ки то соли 2025 ба 1000 донишҷӯи афғон, ки дар Тоҷикистон таҳсил мекунанд, кӯмакпулӣ ҷудо намоянд.Мавриди зикр аст, ки бо ташаббуси баъзе аз созмонҳои байналмилалӣ дар Тоҷикистон барои кормандони ниҳодҳои ҳифзи ҳуқуқ, низомӣ ва марзбонони Афғонистон давраҳои омӯзишӣ баргузор мешаванд.