Таҷлили 20 – солагии Иҷлосияи ХУ1 дар филиали ДДМ
Душанбе, 16 ноябр. (АМИТ «Ховар», Людмила Дубинина). – 15 ноябр дар намояндагии Донишгоҳи давлатии Маскав ба номи М.Ломоносов воқеъ дар шаҳри Душанбе конфронси сеюми байналмилалии илмии донишҷӯён бахшида ба 20 – солагии Иҷлосияи ХУ1 таърихии Шӯрои Олии Ҷумҳурии Тоҷикистон ба кораш шурӯъ намуд. Дар маросими ифтитоҳи ботантанаи конфронс директори намояндагии Донишгоҳи давлатии Маскав Ҳайдар Одинаев, намояндагони Сафорати Федератсияи Русия дар Тоҷикистон, Вазорати маориф ва Академияи илмҳои Ҷумҳурии Тоҷикистон сухан карданд.Тавре ки Ҳайдар Одинаев зикр намуд, Истиқлолияти давлатии Тоҷикистон ба осонӣ ба даст наомадааст. Бо таъсири қувваҳои душманонаи дохилию хориҷӣ Ватани мо ба гирдоби ҷанги шаҳрвандӣ кашида шуда буд, ки он зарари бузурги сиёсӣ, иқтисодӣ, ҷамъиятӣ ва маънавӣ расонида, пояҳои давлатдориро суст намуд. Аҳамияти таърихии Иҷлосияи ХУ1 дар он аст, ки вай дар ҷомеа мақоми бузургро касб намуда, пояи принсипҳои стратегии ба даст овардани сулҳу субот, рушди маорифу илми ҷумҳуриро гузошт. Иҷлосия ҳамчунин самтҳои асосии сиёсати дохилию хориҷии Тоҷикистонро муайян кард.Имрӯз, 16 ноябр, конфронс корашро анҷом медиҳад.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
