Таваҷҷуҳи «Кончер» ва «Гёзум» ба лоиҳаҳои энергетикии Тоҷикистон

Душанбе, 21 ноябр. (АМИТ «Ховар», Бекназари Абӯбакр). — Чанде қабл раиси Кумитаи давлатии сармоягузорӣ ва идораи амволи давлатии ҶТ Давлаталӣ Саидов бо роҳбарони ширкати «Кончер», аз ҷумла раиси Шўрои идораи ширкат Томи Дужевич ва аъзои Шўрои идораи он Мирослав Полжак, инчунин бо раиси ширкати туркии «Гёзум» Усман Йилмаз мулоқот намуд.Сармоягузорони хориҷӣ оид ба ширкати худ ва имкониятҳои он маълумот доданд ва ролики муаррифгари ширкати «Кончер» намоиш дода шуд.Раиси Кумита ба сармоягузорон оид ба фазо ва имкониятҳои сармоягузории Тоҷикистон маълумот дода, роҷеъ ба мавҷудияти муҳити мусоид дар Тоҷикистон, ки дар ҷараёни босуръати татбиқи ислоҳоти иқтисодӣ ва ҷоригардонии равандҳои муосири пешбурди тиҷорат ва фаъолияти сармоягузорӣ қарор дорад, сухан гуфт.Дар мулоқот сармоягузорони хориҷӣ ҳавасмандии худро барои сармоягузорӣ дар соҳаи энергетика иброз намуда, ҷиҳати муайян намудани лоиҳаҳои эҳтимолӣ барои иштирок ва татбиқи минбаъда дархост пешниҳод карданд.