Вохӯрии рафиқонаи футболбозони Эрону Тоҷикистон

Душанбе, 7 ноябр. (АМИТ «Ховар»). – Вохӯрии рафиқонаи дастаҳои мунтахаби миллии Тоҷикистон ва Эрон оид ба футбол, ки 6 ноябр дар варзишгоҳи «Озодӣ» — и шаҳри Теҳрон баргузор гардид, бо ҳисоби 6:1 ба фоидаи дастаи мунтахаби Эрон анҷом ёфт. Дар қисми аввали бозӣ футболбозони Эрон ба дарвозаи дастаи мунтахаби Тоҷикистон 4 тӯб ворид намуданд. Дар қисми дуюми бозӣ Аҳмад Ҳасанзода ва Алиризо Аббосфард ба дарвозаи дастаи Тоҷикистон боз ду тӯб ворид намуданд.Тӯби ягонаро ба дарвозаи дастаи мунтахаби Эрон дар дақиқаи 68 – ум ҳимоятгари дастаи «Истиқлол» — и шаҳри Душанбе Соҳиб Сувонқулов ворид намуд.Дар ин бора аз Федератсияи футболи Тоҷикистон ба АМИТ «Ховар» хабар доданд.