Баррасии фаъолияти намояндагии UNFPA дар Тоҷикистон

Душанбе, 5 декабр. (АМИТ «Ховар», Покиза Махмадбекова). — Имрӯз дар Вазорати рушди иқтисод ва савдо ҷамъомад оид ба фаъолияти солонаи Хазинаи СММ дар соҳаи нуфуси аҳолӣ дар Тоҷикистон бо иштироки вазири рушди иқтисод ва савдо Шариф Раҳимзода, раиси Кумитаи масъалаҳои иҷтимоӣ, оила ва тандурустии МН МО ҶТ Хайринисо Юсуфӣ, намояндаи Хазинаи СММ дар соҳаи нуфуси аҳолӣ дар Тоҷикистон Александр Зуев ва намояндагони дигар вазорату идораҳои марбутаи кишвар доир гардид.  Баъд аз суханони ифтитоҳии Ш.Раҳимзода, Х.Юсуфӣ ва А.Зуев ҳисобот дар бораи шумораи аҳолии ҷаҳон дар соли 2012 муаррифӣ гардида, сипас ширкаткунандагони чорабинӣ дар мавзуъҳои «Сиҳатии репродуктивӣ- муваффақият, мушкилот ва дурнамо», «Афзоиши аҳолӣ ва рушд», «Баробарии гендерӣ», «Пешбурди барномаҳои ҷавонӣ» сухан гуфтанд. Дар интиҳои ҷамъомади мазкур миёни иштирокчиён дар атрофи мавзуъҳои мазкур мубодилаи афкор сурат гирифт.