Ифтитоҳи маркази нави захиравӣ дар Донишгоҳи тиббӣ
Душанбе, 19 декабр. (АМИТ «Ховар», Ибодат Давлатова).-Дирӯз Оҷонсии ИМА оид ба рушди байналмиллалӣ (USAID) дар ҳамкории шарикона бо факултаи тандурустии ҷамъиятӣ ва омори Донишгоҳи давлатии тиббии Ҷумҳурии Тоҷикистон маркази нави захиравиро ифтитоҳ карданд.Тавре ки ба мухбири АМИТ «Ховар» аз маркази матбуотии Вазорати тандурустии Ҷуиҳурии Тоҷикистон хабар доданд, дар чорабинӣ Директори USAID дар Тоҷикистон Кэтлин МакДоналд, проректори Донишгоҳи давлатии тиббии Тоҷикистон Саид Қурбонов, роҳбари Маркази маълумотӣ ва доруворӣ Маҳбуба Аҳророва, роҳбари Маркази захиравии тибби исботшуда Шавқия Почоҷонова, инчунин профессорон ва донишҷӯёни кафедраи тандурустии ҷамъиятӣ ва омори тиббии Донишгоҳи давлатии тиббии Тоҷикистон иштирок намуданд. Бояд гуфт, ки Маркази захиравӣ баъди санҷиши пойгоҳи моддию фаннии кафедра аз ҷониби ДДТТ ба номи Абӯалӣ ибни Сино ва Лоиҳаи USAID «Тандурустии босифат» таъсис дода шуд. Марказ барои таҳкими захираҳои таълимии донишгоҳ ва бо истифода аз технологияҳои муосир беҳтар гардонидани пешрафти донишҷӯён ва имконоти гузаронидани тадқиқоти фардӣ аз ҷониби онҳо пешбинӣ гардидааст. Ин марказ дастрасӣ ба шабакаҳои электронии китобхонаи донишгоҳ ва захираҳои иловагӣ оид ба идораи тандурустиро таъмин менамояд. Донишгоҳ таъмири биноро анҷом дода, лоиҳаи USAID «Тандурустии босифат»-ро бо китобҳо, мизу курсӣ, таҷҳизоти техникӣ ва Интернет таъмин намуд.Иштирокчиёни чорабинӣ қайд намуданд, ки Маркази захиравӣ имконият медиҳад, ки кафедраи тандурустии ҷамъиятӣ ва омори тиббӣба омӯзиши кормандони соҳаи тибб боз ҳам бештар мусоидат намояд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






