Пулҳои коғазӣ бо унсури нави ҳимоявӣ ба муомилот бароварда шуданд

Душанбе, 27 декабр. (АМИТ «Ховар», Покиза Маҳмадбекова). — Бо мақсади пурзӯр намудани унсурҳои ҳимоявии пулҳои коғазӣ ва сифатан беҳтар намудани муомилоти пулии кишвар, Раёсати Бонки миллии Тоҷикистон аз 25 декабри соли равон пулҳои коғазии арзишашон 5 ва 10 сомониро, ки дорои унсури иловагии ҳимоявӣ — кинеграмма мебошанд, ба муомилот баровард. Тавре ки ба мухбири АМИТ «Ховар» аз Хадамоти матбуоти Бонки миллии Тоҷикистон иттилоъ доданд, пулҳои коғазии номбурда дар қатори пулҳои коғазии арзишашон 5 ва 10 сомонии барориши соли 1999, ки дар айни замон дар муомилот қарор доранд, баробар гардиш менамоянд.