«Тоҷикстандарт» мутахассисони соҳаи туризму меҳмонхона тайёр мекунад

Душанбе,14 январ.(АМИТ «Ховар»,Фарзона Достонзода).-Бо мақсади баланд бардоштани сатҳи хизматрасонӣ ва малакаи касбии кормандони соҳаҳои хизматрасон бо ташаббуси Агентии «Тоҷикстандарт» дар якҷоягӣ бо Ассотсиатсияи тарабхонадорон ва мехмонхонадорон ва мактаби миллии туризм курсҳои кӯтоҳмуддати «Пешхизмати тарабхона», «Туризм ва сайру саёҳат», «Корманди меҳмонхона» дар давоми соли 2012 гузаронида шуданд.Тавре ки ба АМИТ «Ховар» аз Агентии «Тоҷикстандарт» иттилоъ доданд, дар давоми соли 2012 зиёда аз 500 нафар шунавандаи ин курсҳо соҳиби маълумоти касбӣ шуда, дар ин соҳаҳо фаъолият дорад. Инчунин дар самти баланд бардоштани сатҳи хизматрасониҳо дар нуқтаҳои хӯроки умумӣ дар вилояти Хатлон ва минтаҳои шаҳри Кӯлоб семинарҳои омӯзишӣ гузаронида шуданд. Дар баробари ин, дар ҳамкорӣ бо вазорату идораҳои марбута дар шаҳри Душанбе ва вилоятҳои Суғду Хатлон дар соли 2013 низ гузаронидани семинарҳо бо иштироки кормандони соҳаи меҳмоннавозӣ ва туризм дар назар аст.