Вохўрии шарикони сетарафа

Душанбе, 25 январ. (АМИТ «Ховар», Ибодат Давлатова).-Дирӯз дар Вазорати меҳнат ва ҳифзи иҷтимоии аҳолии Ҷумҳурии Тоҷикистон вохӯрии шарикони сетарафа баргузор гардид.Тавре ки ба мухбири АМИТ «Ховар» аз маркази матбуотии Вазорати мазкур иттилоъ доданд, вохӯрӣ бо иштироки муовини аввали вазири меҳнат ва ҳифзи иҷтимоии аҳолии Ҷумҳурии Тоҷикистон Эмин Сангинов, намояндагони Федератсияи иттифоқҳои касабаи мустақили Тоҷикистон, Иттиҳодияи корфармоёни Ҷумҳурии Тоҷикистон, кормандони дастгоҳи марказии вазорат ва сохторҳои он ва ҳамоҳангсозони лоиҳаҳои Ташкилоти байналмилалии меҳнат дар Ҷумҳурии Тоҷикистон баргузор гардид. Дар ҷараёни вохўрӣ масъалаҳои марбут ба иҷрои бандҳои нақшаи амал оид ба татбиқи Барномаи ҳамкорӣ байни шарикони сетарафаи Ҷумҳурии Тоҷикистон ва Ташкилоти байналмиллалии меҳнат “Дар бораи меҳнати арзанда барои солҳои 2011-1013”дар соли 2012 мавриди натиҷагирӣ қарор гирифта, таклифу пешниҳодҳои мушаххас барои иҷрои бандҳои нақша барои соли 2013 манзур карда шуд, -хабар дод манбаъ.