Воридот ва фурӯши маҳсулоти нафту газ дар ҷумҳурӣ

Душанбе, 11 январ. (АМИТ «Ховар», Дилшодаи Хайруллоҳ). – Тибқи маълумоти мавҷуда дар соли 2012 ҶСК «Тоҷиктрансгаз» мутобиқи шартнома аз ШС «Узтрансгаз» дар ҳаҷми 132,4 млн.м³ ва ба маблағи 49,5 млн. доллари ИМА гази табиӣ харидааст.Дар соли 2012 аз тарафи тоҷирон ва соҳибкорони ватанӣ 585 адад (2011-510 адад) нуқтаи фурӯш ва газпуркунии гази моеъ, аз ҷумла дар вилоятҳои Суғд – 279, Хатлон – 121, ВМКБ — 12, НТҶ – 115 ва шаҳри Душанбе – 58 адад фаъолият доранд. Бояд қайд намуд, ки танҳо дар соли сипаригашта 75 нуқтаи фурӯши гази моеъ ташкил шудааст, ки тавассути он 700 нафар бо ҷои кори нав таъмин гаштанд. Бо назардошти ин ба ҷумҳурӣ 81256,5 тонна (2011 – 52981,8 тонна) гази моеъ ворид ва аз он 78499,9 тонна фурӯхта шуда, ҳоло дар нуқтаҳои фурӯши гази моеъ 2756,9 тонна газ мавҷуд аст, ки назар ба соли 2011, 28274,7 тонна зиёд мебошад.Дар ин бора аз котиботи Вазорати энергетика ва саноат ба мухбири АМИТ «Ховар» хабар доданд.