Ҷасади муҳоҷири меҳнатӣ ба Тоҷикистон оварда шуд

Душанбе, 26 феврал. (АМИТ «Ховар», Лутфия Эшонқулова). – Чанде пеш бо мадади Намояндагии Хадамоти муҳоҷирати назди Ҳукумати Ҷумҳурии Тоҷикистон дар Федератсияи Русия ҷасади шаҳрванди Ҷумҳурии Тоҷикистон Амриддин Шодиев аз Русия ба Тоҷикистон оварда шуд. Назар ба хабари дафтари матбуоти намояндагии мазкур, Амриддин Шодиев шаби 22 феврал дар беморхонаи Ватуткини вилояти Маскав вафот кард. Мувофиқи хабари манбаъ, муҳоҷири меҳнатӣ бо ташхиси сактаи майна дар беморхона бистарӣ шуда буд. Назар ба маълумоти Вазорати корҳои дохилии Ҷумҳурии Тоҷикистон соли гузашта 1055 тобути шаҳрвандони Тоҷикистон, аз ҷумла 93 ҷасади зан аз Русия ба Тоҷикистон оварда шуда буд.