Истеҳсоли маҳсулоти мувофиқ ба стандартҳои ҷаҳонӣ

Душанбе, 1 феврал. (АМИТ «Ховар», Дилшодаи Хайруллоҳ). – Корхонаи ҶММ КМ «Силкоат Боя» корхонаи муштарак буда, дар минтақаи озоди иқтисодии «Суғд» воқеъ гардидааст ва он ба истеҳсоли ранг ва хокаҳои молиданӣ машғул мебошад. Дар соли 2012 корхона ба маблағи 3583,2 ҳазор сомонӣ маҳсулот, аз ҷумла 686,9 тонна андоза, 473,1 тонна ранг ва 34,3 тонна таҳранг истеҳсол намуд.Маҳсулоти корхона мувофиқ ба стандартҳои байналмиллалӣ истеҳсол гардида, ҳам дар дохил ва ҳам дар хориҷи кишвар харидор дорад. Аз ҷумла, ба маблағи 23 ҳазор доллар ва ба маблағи 3,4 ҳазор доллар ба Ҷумҳурии Қирғизистон ва Ҷумҳурии Исломии Афғонистон 99,3 тонна андозаи минералӣ содир шудааст.Дар ин бора аз котиботи Вазорати энергетика ва саноати Ҷумҳурии Тоҷикистон хабар доданд.