«Мактаби беҳтарини сол»

Айнӣ, 28 феврал. (АМИТ «Ховар», С. Маҳкамов).-Дар ҷаласаи ҷамъбастии мақомоти иҷроияи ҳокимияти давлатии ноҳияи Айнӣ оид ба натиҷагирии озмуни «Мактаби беҳтарини сол»-и 2012 мактаби миёнаи деҳаи Шамтучи ноҳияи Айнӣ ғолиб дониста шуд. Дар соли таҳсили гузашта аз 28 нафар хонанда 19 нафараш ба макотиби олии кишвар дохил шуданд. Соли ҷорӣ 8 нафар хонандаи мактаби мазкур дар олимпиадаи вилоятӣ аз фанни биология иштирок намуда, бо 62 хол сазовори ҷойи 2-юм гаштанд. Аз ҷумла, 2 нафар муҳассилин тибқи квотаи президентӣ дар донишгоҳ ба таҳсил қабул гардида, ба олимпиадаи ҷумҳуриявӣ роҳҳат гирифтанд. Аз фанни таърих Нодира Аминова сазовори ҷойи 3-юм гардид. Дар ин бора мудири шуъбаи маорифи ноҳия Ғиёсуддин Шарипов иттилоъ дод.