«Мо ҳомиёни Ватан ҳастем!»
Хуҷанд, 25 феврал. (АМИТ «Ховар», Самад Юсуфӣ).-Дар толори варзишии «Ҷашнӣ»-и шаҳри Хуҷанд байни дастаҳои волейболи муассисаҳои таҳсилоти олӣ ва миёнаи касбии маркази вилоят таҳти унвони «Мо ҳомиёни Ватан ҳастем!» мусобиқа баргузор гардид. Чорабинии мазкур ба 20 – солагии таъсиси Қувваҳои Мусаллаҳи Ҷумҳурии Тоҷикистон бахшида шуда, се рӯз давом кард. Дастаҳои волейбол аз Донишгоҳи давлатии ҳуқуқ, бизнес ва сиёсати Тоҷикистон, Донишгоҳи давлатии Хуҷанд ба номи академик Б.Ғафуров, Донишкадаи иқтисод ва савдои Донишгоҳи давлатии тиҷорати Тоҷикистон, Донишкадаи политехникии Донишгоҳи технологии Тоҷикистон ба номи академик М.Осимӣ, Донишкадаи куҳӣ-металлургии Тоҷикистон ва коллеҷи тиббии шаҳри Хуҷанд иштирокчиёни мусобиқа буданд. Аъзои дастаи волейболи Донишгоҳи давлатии ҳуқуқ, бизнес ва сиёсати Тоҷикистон туфайли маҳорату чолокӣ бар ҳамаи ҳарифони худ дастболо шуда, ба бозии ниҳоӣ роҳхат гирифт. Дар мусобиқаи ниҳоӣ дастаи волейболи Донишгоҳи ҳуқуқ, бизнес ва сиёсати Тоҷикистон бар дастаи Донишгоҳи кӯҳӣ-металлурги Тоҷикистон бо ҳисоби 3:0 ғолиб омада, сазовори ҷойи аввал гардид. Дар хатми мусобиқа муовини сардори Раёсати ҷавонон, варзиш ва сайёҳии вилояти Суғд Толиб Нурматов дастаи волейболи Донишгоҳи давлатии ҳуқуқ, бизнес ва сиёсати Тоҷикистонро бо медал, Ифтихорнома ва Ҷом сарфароз гардонида, онҳоро бо ғолибияти калон самимона табрик гуфт.Дар ин бора ба мухбирамон мутахассиси маркази иттилоотию таҳлилии ДДҲБСТ Ғафурҷон Ҷӯраев иттилоъ дод.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






