Мулоқот дар Вазорати молия

Душанбе, 14 феврал. (АМИТ «Ховар», Покиза Маҳмадбекова). – 13 феврал дар шаҳри Душанбе мулоқоти вазири молияи Тоҷикистон Сафаралӣ Наҷмиддинов ва раиси Намояндагии Швейтсария оид ба ҳамкорӣ бо Тоҷикистон Питер Микула баргузор гардид. Тавре ки аз котиботи Вазорати молияи ҷумҳурӣ ба АМИТ «Ховар» хабар доданд, ҷонибҳо дар ҷараёни мулоқот натоиҷи рушди иқтисодии кишвар ва аҳамияти ба Созмони умумиҷаҳонии савдо ворид шудани Тоҷикистон, ҳамчунин дурнамои ҳамкории мутақобиларо муҳокима намуданд.Масъалаҳои расонидани кӯмаки молиявӣ ба Тоҷикистон ва мақоми созмонҳои молиявии ҷаҳонӣ дар ин самт низ мавриди баррасӣ қарор гирифтанд. Зимни мулоқот ҳамчунин масоили марбут ба сафари пешорӯи Комиссияи байниҳукуматӣ оид ба ҳамкории иқтисодӣ, ки дар нимаи аввали моҳи марти соли ҷорӣ дар Тоҷикистон баргузор мегардад, мавриди муҳокима қарор гирифтнд.