Нашри дуюми асари таҳлилии «Эмомалӣ Раҳмон дар оинаи замон»

Душанбе, 28 феврал (АМИТ «Ховар», Бекназари Абӯбакр). – Дар нашриёти «Контраст»-и пойтахти ҷумҳурӣ нашри дуюми иловадори китоби нави таҳлилии нависандаи шинохтаи тоҷик Воҳид Ғаффорӣ ва мушовири калони Сарвари давлат оид ба сиёсати хориҷӣ Зафар Сайидзода таҳти унвони «Эмомалӣ Раҳмон дар оинаи замон» бо забони тоҷикӣ ба хонандагон эҳдо гардид. ([attachment=10] [attachment=11]).   Муаллифон нашри дуюми асарро ба ҷашни Наврӯзи оламафрӯз бахшидаанд. Дар китоб фаъолияти Президенти Тоҷикистон Эмомалӣ Раҳмон ба ҳайси пешбару роҳнамои миллат, меъмори сулҳу субот дар кишвар ва рушди устувори он, густаришдиҳандаи худшиносии миллӣ ва бунёдгузори артиши миллии Тоҷикистон бо такя ба далелу маводи фаровон мавриди таҳлили ҳамаҷониба қарор гирифтааст.Ин асар, ки 512 саҳифа ва суратҳои рангаи таърихӣ дорад, ба хонанда имкон медиҳад, ки бо ҷанбаҳои муҳими таърихи навтарини сиёсии кишвар – пас аз Иҷлосияи таърихии 16-уми Шӯрои Олии Ҷумҳурии Тоҷикистон — аз дидгоҳи илмию сиёсӣ ошноӣ пайдо намояд.