Т. Назаров—профессори фахрии Академияи миллии иқтисодии Чин

Душанбе, 27 феврал. (АМИТ «Ховар», Баҳманёр Муродов).-Дар ҳамоиши навбатии шӯрои олимони Академияи миллии стратегии иқтисодии Чин ба академики тоҷик Талбак Назаров дипломи «Профессори фахрӣ»-и ин академияи бонуфуз супорида шуд. Гуфта мешавад академики тоҷик ва собиқ вазири корҳои хориҷии кишвар Талбак Назаров барои саҳми бузургаш дар илми иқтисод ва хизматҳояш дар рушди ҳамкориҳои Ҷумҳурии Тоҷикистону Ҷумҳурии Мардумии Чин бо ин унвон қадрдонӣ шудааст.Бояд зикр кард, ки Талбак Назаров нахустин иқтисодшинос аз минтақаи Осиёи Марказӣ аст, ки ба унвони «Профессори фахрии Академияи миллии стратегии иқтисодии Чин» мушарраф гардидааст.