Таҷлили солгарди таъсиси Қувваҳои мусаллаҳи ҶТ дар Пекин

Душанбе, 22 феврал. (АМИТ «Ховар»). – Дар шаҳри Пекин ба ифтихори 20 – солагии таъсиси Қувваҳои мусаллаҳи Ҷумҳурии Тоҷикистон маҷлиси қабул ороста шуд. Тавре ки аз Сафорати Тоҷикистон дар Ҷумҳурии Мардумии Чин хабар доданд, дар шаҳри Пекин ба ифтихори ин санаи фархунда намояндагони расмии мақомоти мудофиавии давлатҳои дӯст, аз ҷумла ҳайати чернамояндаи Вазорати мдофиаи ҶМЧ бо роҳбарии генерал — майор Тси Говэй ҷамъ омаданд.Сафири Тоҷикистон дар Ҷумҳурии Мардумии Чин Рашид Олимов зимни суханрониаш аз таърихи истиқрор ва рушди Қувваҳои мусаллаҳи ҶТ, мақоми басо муҳими онҳо дар таъмини соҳибихтиёрӣ, амният ва тамомияти арзии кишвар нақл кард. Сафир ба рушди босуръати ҳамкории Тоҷикистону Чин дар соҳаи ҳарбӣ таваҷҷӯҳи хоса зоҳир намуд. Зикр шуд, ки ин ҳамкорӣ ҷавобгӯи манофеи куллии ҳар ду давлату халқҳо буда, таҳкурсии ҳамсоягии нек ва дӯстиро мустаҳкам намуда, ба ҳифзи сулҳу амният ва оромии минтақаи Осиёи Марказӣ ва тамоми ҷаҳон мусоидат мекунад.