Қабули шаҳрвандон бо усули нав

Март 27, 2013 14:13

Душанбе, 27 март.(АМИТ «Ховар»,Фарзона Достонзода).-Марҳилаи навбатии қабули шаҳрвандон аз ҷониби раиси вилояти Суғд Қоҳир Расулзода аз шаҳри Панҷакент оғоз ёфт. 26-уми марти соли равон бо иштироки раиси вилояти Суғд Қоҳир Расулзода, мудирони шуъбаю сохторҳои мақомоти иҷроияи ҳокимияти давлатии вилоят, роҳбарони мақомоти ҳифзи ҳуқуқ ва дигар идораю ташкилотҳои марбута бо усули нав- «Равзанаи ягона» дар ҷамоати деҳоти Ёрии ноҳияи Панҷакент қабули шаҳрвандон доир гардид.Тавре ки ба АМИТ «Ховар» аз Хадамоти матбуоти раиси вилоят иттилоъ доданд, дар ин рӯз дар ҷамоати деҳоти Ёрӣ бо масъалаҳои мухталифи ҷамъиятиву хусусӣ 176 нафар сокинон ширкат варзиданд ва ба роҳбарони шуъбаву сохторҳои мақомоти дахлдори вилоятӣ арзу шикоят ва дархосташонро иброз намуданд.Бештари сокинон перомуни масоили тақсимоти замини наздиҳавлигӣ, таъминот бо оби полезию ошомиданӣ, набудани майдончаҳои варзишӣ, хуб кор накардани хатти барқ дар баъзе минтақаҳо ва мусоидат ба сохтани коргоҳҳои нави истеҳсолӣ муроҷиат карданд. Нимаи дуюми рӯз Қоҳир Расулзода ба ҷамоати деҳоти Косатарош рафта, бо сокинони якчанд ҷамоати деҳоти шаҳри Панҷакент мулоқот орост.Ёдовар мешавем, ки қабули шаҳрвандони шаҳри Панҷакент имрӯз низ идома меёбад.

Март 27, 2013 14:13

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид