Ҳафтаи китоби кӯдакону наврасони Тоҷикистон
Душанбе, 29 март.( АМИТ «Ховар», Фарзона Достонзода).-Бо ташаббуси Вазорати фарҳанги Ҷумҳурии Тоҷикистон ва Китобхонаи давлатии бачагонаи ҷумҳуриявии ба номи Мирсаид Миршакар аз 2 юм то 9- уми апрели соли равон Фестивали ҷумҳуриявии «Ҳафтаи китоби кӯдакону наврасони Тоҷикистон» баргузор мегардад.Тавре ки ба АМИТ «Ховар» аз хадамоти матбуотии Вазорати фарҳанги кишвар иттилоъ доданд, чорабиниҳои фестивал дар Китобхонаи давлатии бачагонаи ҷумҳуриявии ба номи Мирсаид Миршакар, нашриёти «Адабиёти бачагона», гимназияи «Душанбе», СКМ ба номи А.Лоҳутӣ ва мактаби таҳсилоти миёнаи умумии №59- и ноҳияи Файзобод, Қасри фарҳанги шаҳри Роғун, мактаби таҳсилоти миёнаи умумии №88- и шаҳри Душанбе, мактаби таҳсилоти миёнаи умумии №12- и шаҳри Душанбе, Хонаи фарҳанги ноҳияи Шаҳринав, Қасри фарҳанги шаҳри Турсунзода, мактаби таҳсилоти миёнаи умумии №77- и шаҳри Душанбе, мактаби таҳсилоти миёнаи умумии №70- и шаҳри Душанбе, Қасри фарҳанги шаҳри Ваҳдат, мактаби таҳсилоти миёнаи умумии №79-и шаҳри Душанбе, мактаби таҳсилоти миёнаи умумии №48- и шаҳри Душанбе, СКМ ноҳияи Ҳисор, мактаб-интернати №4-и шаҳри Душанбе, Китобхонаи миллии Тоҷикистон, Қасри фарҳанги ноҳияи Рӯдакӣ, мактаби таҳсилоти миёнаи умумии №93 — и шаҳри Душанбе, мактаби таҳсилоти миёнаи умумии №58- и шаҳри Душанбе ва Хонаи фарҳанги ноҳияи Варзоб доир мегарданд. Дар ҷараёни ҷашнвора намоиши китобҳои тозанашр, намоиши маҳсули дастони бачаҳо, вохӯрӣ бо адибон, барномаҳои консертӣ бо иштироки хонандагони мактабҳо ва маҳфилҳои адабӣ дар назар аст.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






