Донишварони Ҳамадонӣ

Март 13, 2013 09:48

Ҳамадонӣ, 13 март. (АМИТ «Ховар», С.Холов). – Бо мақсади дарёфти хонандагони болаёқат аз синфҳои ибтидоӣ ва таълими онҳо дар самтҳои муайяни фанҳо раёсати маорифи вилояти Хатлон озмунеро таҳти унвони «Донишвари умедбахш» роҳандозӣ намуд, ки он дар се давр гузаронида мешавад ва ғолибони даври аввал ба даврҳои навбатӣ роҳхат мегиранд. Дар озмуни «Донишвари умедбахш» хонандагони синфҳои аз 1 то 4 вобаста ба лаёқаташон аз рӯи се шарт саводу маҳорати худро месанҷанд. Довудшоҳи Муҳаммад лаёқату истеъдоди фавқулодда дорад. Ӯ дар кӯтоҳтарин муддат шеърро аз ёд карда, мисолу масъалаҳои фанни риёзиро ҳал менамояд. Ӯ дар даври аввал дар ноҳияи Восеъ дар байни хонандагони 72 мактаб ҷои намоёнро ишғол намуда, ба даври навбатӣ гузашт. Мувофиқи оинномаи озмун ба даври навбатӣ аз ҳар як ноҳия бояд 15 нафарӣ хонандагон роҳхат мегирифтанд, вале шавқу завқи наврасонро ба инобат гирифта, то 20 – 25 нафарӣ ҳамроҳи муаллимон ба озмун ҳозир шуданд. Дар ҷамъбасти озмун хонандагони ноҳияи Ҳамадонӣ соҳиби як ҷои аввал, як ҷои дуввум, се ҷои сеюм ва шаш ҷои ифтихорӣ гардиданд. Наврасони ноҳияҳои дигар низ бо донишу маҳорати хеш соҳиби ҷойҳои ифтихорӣ ва туҳфаҳои хотиравии раёсати маорифи вилоят шуданд.

Март 13, 2013 09:48

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид