Кӯмаки “Амонатбонк» ба мактаб-парваришгоҳи ноҳияи Рӯдакӣ
Душанбе, 18 март. (АМИТ «Ховар», Покиза Маҳмадбекева). — Роҳбарияти Бонки давлатии амонатгузории Ҷумҳурии Тоҷикистон «Амонатбонк» чун сарпарасти ҳамешагии мактаб -парваришгоҳ барои ятимону бепарасторони рақами 1 ноҳияи Рӯдакӣ ба истиқболи Наврӯзи хуҷастапай иқдоми Сарвари давлат- дастгирии ятимону бепарасторон ва хайру зҳсонкорӣ ба ниёзмандонро хеле хуб ба роҳ мондааст. Ба мухбири АМИТ «Ховар» аз бонки мазкур иттилоъ доданд, ки ин навбат низ бо пайравӣ ба анъанаи накӯи наврӯзӣ ва пос доштани анъанаҳои ин ҷашни аҷдодӣ ба ин мактаб -парваришгоҳ, ки дар он беш аз 1346 нафар муҳассил таълиму тарбия мегирад, ки аз ин 266 нафараш бепарастор мебошад, ба маблағи беш аз 14000 сомонӣ молу маҳсулоти зарурӣ кӯмак расонида шуд. Кӯмаки хайрия, аз маводи гуногуни хӯрокӣ ва 6 мошинаи дарздӯзиву 2 телевизор иборат буд. Лозим ба ёдоварист, ки сарпарастии ин муассисаро «Амонатбонк» бо амри Президенти кишвар аз 1-уми августи соли 2007-ум ба уҳда дорад ва барои тарбиятгирандагони ин мактаб-парваришгоҳ хамеша дасти ёрӣ дароз намуда, ҳамаи мушкилоти ин муаасисаи таълимӣ ва муҳассилини онро сари вақт бартараф менамояд. Бояд зикр намуд, ки дар соли ҷорӣ ин аллакай бори дуввум аст, ки аз тарафи «Амонатбонк» ба ин муассисаи давлатӣ кӯмак расонида мешавад. Кӯмаки аввалаи бонк маблағи беш аз 31 ҳазор сомониро дар бар мегирифт.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






