КБСС дар шимолу ҷануби Тоҷикистон намояндагӣ мекушояд
Душанбе, 19 март.(АМИТ «Ховар», Марзия Саидова).- «Кумитаи байналмиллалии Салиби Сурх дар умури Аврупо ва Осиёи Марказӣ тасмим гирифтааст, ки дар соли равон дафтари намояндагии худро бо мақсади таҳкими робитаҳо дар шимолу ҷануби Тоҷикистон ифтитоҳ намояд». Ин нуктаро Каролине Доуиллез Садоуба- сардори Кумитаи байналмилалии Салиби Сурх дар умури Аврупо ва Осиёи Марказӣ зимни мулоқоташ бо Амиршо Миралиев-муовини аввали раиси Маҷлиси намояндагони Тоҷикистон иброз дошт. Амиршо Миралиев ба меҳмон доир ба фаъолияти палатаи поёнии парлумони Тоҷикистон маълумот дода гуфт, ки Тоҷикистон дар радифи дигар кишварҳои дунё сиёсати дарҳои бозро пеш мебарад. Мавсуф аз кӯмакҳои Кумитаи мазкур ба сохторҳои қудратии кишвар ёдрас намуда зикр кард, ки Кумитаи байналмиллалии Салиби Сурх дар ҳамбастагӣ бо Ҳилоли Аҳмари Тоҷикистон аз рӯи як қатор лоиҳаҳо ва барномаҳои гуногун дар Тоҷикистон корҳои назаррасеро ба сомон расонидаанд. Сардори Кумитаи байналмиллалии Салиби Сурх дар умури Аврупо ва Осиёи Марказӣ хонум Каролине Доуиллез Садоуба иброз дошт, ки мо бо Ҳукумати Тоҷикистон ва дигар ниҳодҳои давлатии ин кишвар ҳамкориҳои хуб дорем. Дар Тоҷикистон дар самтҳои гуногун, аз ҷумла безарарсозии майдонҳои минакоришуда ва беҳбуди вазъи зиндониён ҳамкорӣ дошта, ният дорем, ки дар ин бахшҳо робитаҳои хешро боз ҳам тақвият бахшем. Дар фарҷом мусоҳибон омодагии худро барои густариши муносиботи гуногунҷанба изҳор доштанд.
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
