Консерти хайрия

Душанбе, 19 март. (АМИТ «Ховар»). – Бо ибтикори Агентии Миллии Иттилоотии Тоҷикистон «Ховар», Радиои «Ховар» 101,5 FM ва бо мушорикати Созмони ҷамъиятии «Никоҳ ва Оила» Созмони ҷамъиятии нобиноёни шаҳри Душанбе ва Ҷамъияти маъюбони «Имконият» шаҳри Душанбе 23 март дар «Кохи Ваҳдат» баҳри дастгирии шахсони имкониятҳои ҷисмониашон маҳдуд ва бахшида ба иди миллии «Наврӯз» консерти хайрия баргузор мегардад. Дар консерт баробари ситораҳои эстрадаи тоҷик ҳунармандони ҷавони имконияташон маҳдуд низ ҳунарнамоӣ мекунанд.