Маросими имзои санадҳо миёни ҳукуматҳои Тоҷикистон ва Япония
Душанбе, 29 март. (АМИТ «Ховар»).- 28 марти соли 2013 дар Вазорати корҳои хориҷии Ҷумҳурии Тоҷикистон маросими имзои Ёддоштҳои табодулӣ миёни ҳукуматҳои Ҷумҳурии Тоҷикистон ва Япония оид ба кӯмаки бебозгашт дар чаҳорчӯби «Лоиҳаи беҳтар намудани таҷҳизоти хизматрасонӣ ба роҳҳои вилояти Хатлон ва ноҳияҳои тобеи марказ», ҳамчунин имзои Ёддоштҳои табодулӣ миёни ҳукуматҳои Ҷумҳурии Тоҷикистон ва Япония оид ба кӯмаки бебозгашт дар ҳошияи «Лоиҳаи таҷдиди таҷҳизоти тиббӣ, обтаъминкунӣ ва қубурҳои обпарто ҷиҳати ҳифзи саломатии модар ва кӯдак» баргузор гардид. Аз ҷониби Ҷумҳурии Тоҷикистон санадҳоро вазири корҳои хориҷӣ Ҳамрохон Зарифӣ ва аз ҷониби Япония Сафири Фавқулодда ва Мухтори ин кишвар дар Тоҷикистон Ҳироюки Имаҳаши имзо намуданд. Ҳамзамон бо мақсади татбиқи лоиҳаҳои бебозгашти номбурда ду шартномаи грантӣ байни Ҳукумати Ҷумҳурии Тоҷикистон ва Агентии Япония оид ба ҳамкории байналмилалӣ (JICA) ба имзо расид. Санадҳоро аз ҷониби Тоҷикистон вазири корҳои хориҷӣ Ҳамрохон Зарифӣ ва аз ҷониби JICA сардори намояндагии JICA дар Тоҷикистон Ҷиро Иида ба имзо расониданд. Бояд зикр намуд, ки Ҳукумати Япония аз соли 1993 инҷониб барои рушди соҳаҳои мухталифи иқтисодиёт, кишоварзӣ, маориф, тандурустӣ, фарҳанг ва инчунин рушди захираҳои инсонӣ ба Тоҷикистон кӯмакҳои бебозгашти техникӣ мерасонад.
Пагоҳ дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
