Муҳокимаи масоили муҳими ҳамкории Тоҷикистону Украина
Душанбе, 29 март. (АМИТ «Ховар»). – Чанде пеш мулоқоти Сафири Тоҷикистон дар Украина Шӯҳрат Султонов бо вазири рушди манотиқ ва сохтмони Украина, ҳамраиси Комиссияи байниҳукуматӣ оид ба ҳамкории иқтисодӣ Геннадий Темник баргузор гардид. Ҷонибҳо дар ҷараёни мулоқот вазъу дурнамои муносибатҳои дуҷонибаи Тоҷикистону Украина ва масоили омодагӣ ба иҷлосияи пешорӯи Комиссияи байниҳукуматиро, ки аз 2 то 4 апрели соли 2013 дар шаҳри Душанбе баргузор мегардад, муҳокима намуданд.Тарафайн ҳамчунин масоили рушди равобити байниминтақавӣ ва густариши ҳамкорӣ дар бахши илму маорифро мавриди баррасӣ қарор доданд. Зикр шуд, ки моҳи июни соли равон дар Тоҷикистон доир намудани Рӯзҳои фарҳанги Украина ба инкишофи ҳамкорӣ дар ин бахш мусоидат менамояд.Сафири Тоҷикистон аз ҳамраиси Комиссияи байниҳукуматӣ хоҳиш намуд, ки масъалаи барқарор намудани роҳи ҳавоии байни Душанбе ва Киев ҳар чи зудтар ҳал карда шавад.Геннадий Темник аз ҷониби худ изҳор дошт, ки Украина ҷонибдори рушду густариши ҳамкорӣ дар бахшҳои гуногун мебошад. Мавсуф изҳори боварӣ намуд, ки ҷаласаи қарибулвуқӯи Комиссияи байниҳукуматӣ дар шаҳри Душанбе ба рушди минбаъдаи муносибатҳои дуҷониба мусоидат хоҳад кард.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
