Мулоқот бо намояндагони Афғонистон

Душанбе, 29 март. (АМИТ «Ховар», Покиза Маҳмадбекова). – Дар Душанбе вохӯрии вазири рушди иқтисод ва савдои ҷумҳурӣ Шариф Раҳимзода бо ҳайати бонуфузи Ҷумҳурии Исломии Афғонистон, таҳти роҳбарии вазири молияи ин кишвар Умар Заҳилвол баргузор гардид. Ба мухбири АМИТ «Ховар» аз хадамоти матбуоти вазорати мазкур иттилоъ доданд, ки иқтисод ва тиҷорат, сармоягузорӣ, ташкили корхонаҳои истеҳсолӣ, тавсеаи нуқтаҳои савдои наздисарҳадӣ, баргузории бизнес-форумҳо бо иштироки соҳибкорони ҳарду ҷониб аз мавзуъҳои калидии гуфтугузори ҳайатҳо маҳсуб гардид. Дар интиҳои мулоқот ҷонибҳо атрофи масъалаҳои ҷорӣ ва дурнамои рушди ҳамкориҳои мутақобилан судманд мубодилаи афкор намуданд.