Ошкорнамоии ду ҳодисаи интиқоли ғайриқонунии маводи нашъаовар
Душанбе, 12 март. (АМИТ «Ховар»).- Кормандони гумруки Фурудгоҳи байналмиллалии Раёсати минтақавии гумрукӣ дар шаҳри Душанбе боз ду ҳодисаи интиқоли ғайриқонунии маводи нашъаоварро ошкор ва пешгирӣ намуданд. Аз шуъбаи иттилооти Хадамоти гумруки назди Ҳукумати Ҷумҳурии Тоҷикистон ба АМИТ «Ховар» хабар доданд, ки кормандони мақомоти гумруки кишвар аз аввали соли ҷорӣ ҳашт ҳодисаи кўшиши интиқоли ғайриқонунии маводи мухаддирро ошкор ва пешгирӣ намуданд. Ин дафъа кормандони гумруки «Фурудгоҳи байналмилалии Душанбе» ҳангоми барасмиятдарорӣ ва назорати гумрукии мусофирони хатсайрҳои № 4863, №627 самтҳои Душанбе-Новосибирск ва Душанбе-Москва ду нафар шаҳрванди Ҷумҳурии Тоҷикистонро дар интиқоли ғайриқонунии маводи нашъаовар тавассути сарҳади гумрукии Ҷумҳурии Тоҷикистон гумонбар дониста, аз парвоз боздошт намуданд. Ҳангоми азназаргузаронии гумрукии бағоҷи дастии шаҳрванд Ш. аз пинҳонгоҳ, ки дар дохили қуттии махсус тайёр карда шуда буд, дувоздаҳ бастаи селофании маводи хокистарранги бӯи махсуси ғализдоштаро пайдо намуданд. Инчунин аз дохили либоси тагпўши шаҳрванд Б. се бастаи селофании дорои хокаи монанд ба героин дарёфт ва мусодира гардид. Мутобиқи хулосаи коршиносон маводи нашъаовари аз шахсони қочоқбар мусодирагардида қариб 2 кг героинро ташкил дод. Аз рўи ин ҳодисаҳо парвандаҳои ҷиноӣ оғоз карда шуда, ба Прокуратураи нақлиётии Ҷумҳурии Тоҷикистон ирсол гардиданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






