Сафари расмии вазири корҳои хориҷии Қазоқистон ба Тоҷикистон
Душанбе, 27 март. (АМИТ «Ховар»).- 28 марти соли 2013 сафари расмии вазири корҳои хориҷии Ҷумҳурии Қазоқистон Ерлан Идрисов ба Тоҷикистон сурат мегирад. Пешбинӣ шудааст, ки зимни сафар Президенти Ҷумҳурии Тоҷикистон бо вазири корҳои хориҷии Қазоқистон мулоқот хоҳад кард. Ба иттилои сардори Раёсати иттилоот, матбуот, таҳлил ва тарҳрезии сиёсати хориҷии Вазорати корҳои хориҷии Тоҷикистон Давлаталӣ Назриев, дар барномаи боздид мулоқоти хоссаи вазири корҳои хориҷии Ҷумҳурии Тоҷикистон бо вазири корҳои хориҷии Ҷумҳурии Қазоқистон, гуфтушунидҳои ҳайатҳои ду ҷониб пешбинӣ шудаанд. Ҳангоми мулоқотҳо масъалаҳои тавсеаи ҳамкориҳои дуҷонибаи Тоҷикистону Қазоқистон мавриди баррасӣ қарор мегиранд. Дар фарҷом вазирон «Барномаи ҳамкории байни Вазорати корҳои хориҷии Ҷумҳурии Тоҷикистон ва Вазорати корҳои хориҷии Ҷумҳурии Қазоқистон барои соли 2013»-ро ба имзо хоҳанд расонд.
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
