Т. Курт пешниҳоди С. Девонаевро пазируфт

Март 13, 2013 15:11

Душанбе, 13 март. (АМИТ «Ховар», Музаффар Рустамов).–Дирӯз мулоқоти сардори Хадамоти назди Ҳукумати Ҷумҳурии Тоҷикистон Сафиало Девонаев бо роҳбари Намояндагии Созмони байналмилалии муҳоҷират дар Тоҷикистон Тайма Курт доир гардид. Дар ҷараёни мулоқот сардори Хадамоти муҳоҷират оид ба фаъолият ва дастовардҳо, ба имзо расонидани созишномаҳои байналмилалӣ бо як силсила кишварҳо, аз ҷумла бо Федератсияи Русия ба Тайма Курт маълумот дод. Ӯ иброз дошт, ки пурзӯр намудани кӯмакҳои техникӣ тавассути Созмони Байналмилалии Муҳоҷират ба Хадамоти муҳоҷират метавонад ба муҳоҷирони меҳнатӣ ҷиҳати омӯзиши забонҳои хориҷӣ ва касбҳои мутобиқи талаботи бозори меҳнати ҷаҳонӣ мусоидат намояд.Сардори Хадамоти муҳоҷират пешниҳод намуд, ки дар моҳи сентябри соли ҷорӣ Форуми байналмилалӣ дар мавзӯи муҳоҷирати меҳнатӣ баргузор гардад, ки дар он директори генералии Созмони байналмилалии муҳочират(СБМ) ва роҳбарони ҷамъиятҳои тоҷикони бурунмарзӣ иштирок намоянд. Ин форум барои боз ҳам беҳтар ба роҳ мондани раванди муҳоҷирати меҳнатӣ ва ҳифзи ҳуқуқ ва манфиатҳои иҷтимоии онҳо, ҳамкории зич бо диаспораҳо ва барасии «Стратегияи миллии муҳоҷирати меҳнатии шаҳрвандони Ҷумҳурии Тоҷикистон ба хориҷа барои солҳои 2011-2015» шароити муфид фароҳам хоҳад овард. Тайма Курт пешниҳоди сардори Хадамоти муҳоҷиратро оид ба ташкили Форуми байналмилалии муҳоҷират пазируфта, иброз дошт, ки: » Иштироки Шуморо дар Конференсияи байналмилалӣ дар мавзӯи «Форуми вазирон оид ба ҷамъиятҳо», ки 18-19 июни соли ҷорӣ дар шаҳри Женева баргузор мегардад, интизорем». Дар ин бора сардори шуъбаи робита бо ҷомеаи Хадамоти муҳоҷирати назди Ҳукумати ҶТ Абдуллоҳи Қодирӣ иттилоъ дод.

Март 13, 2013 15:11

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид