Ҷаласаи Комиссияи муштараки ҳамкории иқтисодии Тоҷикистону Украина
Душанбе, 4 апрел. (АМИТ «Ховар»).-3 апрели соли 2013 дар шаҳри Душанбе ҷаласаи 4-уми Комиссияи муштараки байниҳукуматӣ оид ба масъалаҳои ҳамкории иқтисодии Тоҷикистону Украина таҳти раёсати вазири рушди иқтисод ва савдои Ҷумҳурии Тоҷикистон Шариф Раҳимзода ва вазири рушди минтақавӣ, сохтмон ва хоҷагии манзилию коммуналии Украина Геннадий Темник баргузор гардид. Дар ҷаласа ҳамчунин намояндагони вазорату идораҳо ва соҳибкорони ду кишвар ширкат варзиданд. Иштирокчиёни ҷаласа як силсила масъалаҳои ҳамкории дуҷониба, аз ҷумла, дар соҳаҳои энергетика, саноат, нақлиёт, алоқа, маориф, илм, фарҳанг, тавсеаи заминаи шартномавию ҳуқуқии муносибатҳоро мавриди баррасӣ қарор дода, доир ба ҳалли онҳо тавсияҳо қабул намуданд. Ҷонибҳо зикр карданд, ки ҷаласаҳои Комиссия василаи муҳими муайянсози самтҳои авлавиятноки ҳамкориҳои дуҷониба мебошанд ва ибрози боварӣ доштанд, ки натиҷаҳои гуфтушунидҳо барои рушди муносибатҳои мутақобилан судманди Тоҷикистону Украина самараи амалӣ хоҳанд дошт. Оид ба натиҷаҳои мулоқот Протоколи ҷаласаи 4-уми Комиссияи муштараки байниҳукуматӣ оид ба масъалаҳои ҳамкории иқтисодии Тоҷикистону Украина ба имзо расид.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






